23 ივნისს ჯეოლიმპის 2013 წლის სერიის ფინალური რაუნდი გაიმართა. ღონისძიებას უკვე მეორედ გაუწია მასპინძლობა კავკასიის უნივერსიტეტის ტექნოლოგიების სკოლამ, რისთვისაც კიდევ ერთხელ ვუხდით მადლობას უნივერსიტეტს და ტექნოლოების სკოლის დეკანს - ბატონ გიორგი დათუკიშვილს.

ტრადიციულად, შეჯიბრების პარალელურად მიმდინარეობდა ონლაინ რაუნდი ყველა კონკურსგარე მსურველისთვის და მისი შედეგები ამ გვერდზეა გამოქვეყნებული.

ფინალის შედეგების სანახავად კი ამ ბმულს მიჰყევით.

პირველი ადგილი 8 ამოცანით მოიპოვა კომაროვის სახელობის სკოლის მოსწავლემ - ნიკოლოზ სვანიძემ და მიიღო პრიზი Samsung Galaxy note N8000 პლანშეტი.

მეორე ადგილზე გავიდა ასევე კომაროვის სახელობის სკოლის მოსწავლე - ჯიმი სხირტლაძე, რომელმაც 7 ამოცანა წარმატებით ამოხსნა. ჯეოლიმპისგან მას საჩუქრად Nikon L820 ფოტოაპარატი გადაეცა.

მესამე ადგილზე 6 ამოცანით გავიდა თბილისის სახელმწიფო უნივერსიტეტის სტუდენტი - ზურაბ კუცია და Kindle PaperWhite ელექტრონული წიგნების მკითხველით დაჯილდოვდა.

სრული ფოტო ალბომის ნახვა შესაძლებელია ჩვენს Facebook გვერდზე.

ჯეოლიმპის 2013 წლის სერიის ჩატარებაში ძალიან დიდი წვლილი მიუძღვის დაფინანსებას, რომელიც პრეზიდენტის ადმინისტრაციისგან მივიღეთ, ამიტომ კიდევ ერთხელ ვუხდით მათ მადლობას, რომ მხარში დაგვიდგნენ და საშუალება მოგვცეს შეჯიბრებათა კიდევ ერთი სერია ჩაგვეტარებინა.

ასევე გვსურს დიდი მადლობა გადავუხადოთ კომპანია "ჯორჯიან ქარდს" რომელიც ოთხივე სერიის განმავლობაში ფინანსურ მხარდაჭერას გვიწევდა საჩუქრების შესაძენად და კომპანია "ინოტექს", რომლის დატაცენტრშიც ჯეოლიმპის სერვერი უსასყიდლოდ არის განთავსებული და ინტერნეტით უზრუნველყოფილი.

სერიის ფარგლებში ინტერნეტ რაუნდების გარდა ოთხი დასწრებული ტური ჩატარდა:
მეორე ეპიზოდი თავისუფალ უნივერსიტეტში
მეოთხე ეპიზოდი ქუთაისის აკაკი წერეთლის სახელობის სახელმწიფო უნივერსიტეტში
მეხუთე ეპიზოდი თბილისის სახელმწიფო უნივერსიტეტში
ფინალი კავკასიის უნივერსიტეტში

2013 წლის სერია ჩვენთვის პირველი იყო, სადაც სახალხოდ გამოვაცხადეთ ამოცანათა მიღება. სერიისთვის ამოცანები შეადგინეს ავტორებმა: ელდარ ბოგდანოვი, ირაკლი მერაბიშვილი, მარიამ დანელია, ნიკოლოზ გაბისონია, ზურაბ კუცია, ნიკა ნადირაძე, ნიკა სანაკოევი, ბაქარ დარსაძე, ავთანდილ გოქაძე, გიორგი გულიაშვილი.

ჯეოლიმპის გუნდი მადლობას უხდის ირაკლი მერაბიშვილს და ნიკოლოზ გაბისონიას განსაკუთრებული მხარდაჭერისთვის რაუნდების ტესტირებასა და დასწრებული ტურების ჩატარებაში.

ჯეოლიმპის მეხუთე რაუნდის პარალელურად თბილისის სახელმწიფო უნივერსიტეტში დასწრებული ტური ჩატარდა, სადაც ამ სასწავლებლის სტუდენტები იღებდნენ მონაწილეობას. გვსურს დიდი მადლობა გადავუხადოთ უნივერსიტეტს და კომპიუტერული მეცნიერებების მიმართულებას, განსაკუთრებით კი ქალბატონ ნინო ტყეშელაშვილს და ბატონ კობა გელაშვილს ჩვენი მხარდაჭერისთვის, კეთილი სურვილებისა და ასევე გადაღლილი ჯეოლიმპელების ტორტით გამასპინძლებისათვის :)

რაუნდის შემდეგ, ტრადიციულად, ამოცანების და ალგორითმების გარჩევა ჩატარდა ელდარ ბოგდანოვის მიერ. დასწრებული ტურის 21 მონაწილეს შორის პირველ ადგილზე გავიდა ნიკოლოზ გაბისონია, მეორე ადგილზე ბექა ბარბაქაძე, ხოლო მესამეზე - ზურაბ კუცია.

სრული ფოტო ალბომის ნახვა შესაძლებელია ჩვენს Facebook გვერდზე.

აღსანიშნავია, რომ მეხუთე რაუნდის ამოცანები გასულ ეპიზოდებთან შედარებით რთული გამოვიდა. თუმცა იმედია, ეს მონაწილეების დიდ იმედგაცრუებას არ გამოიწვევს და upsolving-ში გააგრძელებენ ამოხსნების ბოლომდე მიყვანას, რადგან რამდენიმე ნამდვილად საინტერესო იდეა იყო ახალ ამოცანებში და ჩვენი ფორუმიც ღიაა თქვენთვის.

დასწრებული ტურის სრული შედეგები ასე გამოიყურება:

ადგილი	მონაწილე	A	B	C	D	E	სრული	საჯარიმო დრო
1	ნიკოლოზ გაბისონია (Tbilisi SU)	+ (00:08:49)	+ (00:22:41)	+ (00:50:43)	-5		3	01:22:13
2	ბექა ბარბაქაძე (Tbilisi SU)	+1 (00:15:09)	+ (00:34:03)	+ (00:44:50)			3	01:54:02
3	ზურაბ კუცია (Tbilisi SU)	+1 (00:20:21)	+ (00:33:23)	+2 (01:23:09)			3	03:16:53
4	გიორგი შავგულიძე (Tbilisi SU)	+2 (00:43:37)	+1 (00:37:12)	+2 (01:41:35)			3	04:42:24
5	მარიამ დოლიაშვილი (Tbilisi SU)	+3 (01:57:06)	+2 (01:23:06)	+1 (01:48:35)			3	07:08:47
6	გივი არაბიძე (Tbilisi SU)	+ (00:33:47)	+1 (01:21:32)				2	02:15:19
7	ზურაბ ისაკაძე (Tbilisi SU)	+1 (00:53:41)	+2 (01:05:50)	-1			2	02:59:31
8	გიორგი ფეიქრიშვილი (Tbilisi SU)	+ (00:32:55)	+3 (01:44:40)	-2			2	03:17:35
9	დავით ცხონდია (Tbilisi SU)	+ (00:47:10)		-1			1	00:47:10
10	გიორგი რუხაია (Tbilisi SU)		+ (00:52:39)	-1			1	00:52:39
11	სოფიო ჩიქვინიძე (Tbilisi SU)	-3	+1 (01:05:56)				1	01:25:56
12	ვილიამ სააკიანი (Tbilisi SU)	-5	+ (01:43:41)				1	01:43:41
13	ნატალია ნებულიშვილი (Tbilisi SU)	-6	+1 (01:36:12)				1	01:56:12
14-21	გიორგი ღუღუნიშვილი (Tbilisi SU)	-7					0	00:00:00
14-21	ირაკლი გოცირიძე (Tbilisi SU)	-3		-1			0	00:00:00
14-21	გურამ მაზანაშვილი (Tbilisi SU, Mziuri)	-1					0	00:00:00
14-21	მერაბ მალიშავა (Tbilisi SU)	-1					0	00:00:00
14-21	გიგა ჩალაური (Tbilisi SU)	-3					0	00:00:00
14-21	რატი დევიძე (Tbilisi SU)	-1	-2				0	00:00:00
14-21	ნათია დოლიაშვილი (Tbilisi SU)						0	00:00:00
14-21	გია ნებიერიძე (Tbilisi SU)						0	00:00:00

2013 წლის 8 ივნისს 14:30 საათზე დაიწყება ჯეოლიმპის 2013 წლის სერიის მეხუთე ეპიზოდი. შეჯიბრის ხანგრძლივობა 2 საათია. შესაძლებელია Pascal, C/C++, C#, Java, PHP, Python და Perl პროგრამირების ენების გამოყენება. შეგახსენებთ, რომ კონტესტში მონაწილეობისთვის საჭიროა კონტესტზე რეგისტრაცია.

ინტერნეტ რაუნდის პარალელურად ჩატარდება დასწრებული ტური ივანე ჯავახიშვილის სახელობის თბილისის სახელმწიფო უნივერსიტეტში, სადაც მონაწილეობისთვის ვიწვევთ ამ უნივერსიტეტის სტუდენტებს. დასწრებულ ტურში მონაწილეობის მსურველებმა 6 ივნისის ჩათვლით აუცილებლად უნდა შეავსონ უნივერსიტეტის ონლაინ ფორმა ამ ბმულზე:
https://docs.google.com/forms/d/1YBhtz8AwucENjt8KL3H_zie2Iex3oTNwb40zL95L4CU/viewform

შეჯიბრის დღეს თბილისის სახელმწიფო უნივერსიტეტის სტუდენტები უნდა გამოცხადდნენ XI (ბიოლოგების) კორპუსის #323 რესურს ცენტრში 14:00 საათზე.

გელით :)

ჯეოლიმპის მეოთხე რაუნდის პარალელურად დასწრებული ტური ქალაქ ქუთაისში, აკაკი წერეთლის სახელობის სახელმწიფო უნივერსიტეტში გაიმართა, სადაც ქუთაისის სკოლების მოსწავლეები და უნივერსიტეტის სტუდენტები იღებდნენ მონაწილეობას. ჯეოლიმპის ღონისძიებას და ჩვენს გუნდს შესანიშნავი მასპინძლობა გაუწია აკაკი წერეთლის უნივერსიტეტმა და ბატონ მახლაზ ჯინჯიხაძემ, რისთვისაც კიდევ ერთხელ ვუხდით მადლობას.

"ქუთაისიდან ბევრი დადებითი შთაბეჭდილებით დავბრუნდი. ძალიან მიხარია, რომ ამდენი ნიჭიერი და შრომისმოყვარე ადამიანი სერიოზულად ეკიდება საქმეს და მუშა გარემოს ქმნის. გამორჩეული ბავშვების ნახვა ყოველთვის სასიამოვნოა, დიდი იმედი მაქვს, რომ ისინი იგივე და უფრო მეტი შემართებით გააგრძელებენ გზას წარმატებისკენ და მაგალითსაც მოგვცემენ. ბატონი მალხაზის სახით შესაშური მასწავლებელი ჰყავთ როგორც სტუდენტებს, ისე სკოლის მოსწავლეებს." - ელენე ლაცოშვილი.

დასწრებული ტურის 20 მონაწილეს შორის პირველ ადგილზე გავიდა 41-ე სკოლის მოსწავლე - ლაშა ბუხნიკაშვილი. მეორე ადგილი დაიკავა პირველი დამოუკიდებელი სკოლის მოსწავლემ - გიორგი ნიშნიანიძემ, ხოლო მესამე - N1 სკოლის მოსწავლემ - შოთა სილაგაძემ.

შოთა სილაგაძე, გიორგი ნიშნიანიძე, მალხაზ ჯინჯიხაძე, ლაშა ბუხნიკაშვილი.

სრული ფოტო ალბომის ნახვა შესაძლებელია ჩვენს Facebook გვერდზე.

რაუნდის შემდეგ ამოცანების გარჩევა ჩაატარა A და D ამოცანების ავტორმა - ნიკა გაბისონიამ.

ქუთაისის მოსწავლე-სტუდენტების სრული შედეგები ასე გამოიყურება:

ადგ ილი	მონაწილე	A	B	C	D	E	სრული	საჯარიმო დრო
1	ლაშა ბუხნიკაშვილი (Sch Kutaisi #41)	+ (00:04:33)	+ (00:14:00)	+ (00:28:01)	-6		3	00:46:34
2	გიორგი ნიშნიანიძე (Sch Kutaisi #1 Ind)	+ (00:05:19)	+ (00:19:56)	+ (00:36:56)			3	01:02:11
3	შოთა სილაგაძე (Sch LTD N1)	+ (00:07:17)	+1 (00:38:51)	+ (01:09:12)			3	02:15:20
4	ავთანდილ გოქაძე (ATSU)	+ (00:06:21)	+2 (00:52:46)	+ (01:12:23)	-4		3	02:51:30
5	გიორგი კოღუაშვილი (ATSU)	+ (00:09:48)	+1 (01:32:00)	+ (01:03:07)			3	03:04:55
6	გიორგი ჯავახაძე (ATSU)	+ (00:04:21)	+4 (01:11:15)	+ (01:02:05)			3	03:37:41
7	გიორგი ბაღდავაძე (Sch Kutaisi #41)	+ (00:06:13)	+2 (00:31:05)	+5 (01:38:36)	-3		3	04:35:54
8	ბაქარ დარსაძე (Sch Kutaisi #41)	+1 (00:13:42)	+5 (01:20:36)	+ (01:11:07)	-7		3	04:45:25
9	გიორგი კლდიაშვილი (Sch Kutaisi #41)	+1 (00:13:54)	+2 (00:37:16)	+4 (01:50:03)			3	05:01:13
10	შაქრო ლომსიანიძე (Sch Kutaisi #1 Ind)	+1 (00:09:40)	+ (00:46:24)	-6			2	01:16:04
11	ირაკლი ფოფხაძე (Sch Kutaisi #41)	+ (00:04:39)	-5	+ (01:33:26)			2	01:38:05
12	გუჯა ბაბუნაშვილი (Sch Mermisi)	+ (00:25:38)	-2	+ (01:43:07)			2	02:08:45
13	ირაკლი მარგველაშვილი (Sch Kutaisi #1 Ind)	+ (00:17:52)	+3 (01:20:53)	-2	-5		2	02:38:45
14	ბესიკი გოგისვანიძე (ATSU)	+3 (00:35:39)	+1 (01:40:31)				2	03:36:10
15	თანო თეთვაძე (ATSU)	+ (00:10:48)		-3			1	00:10:48
16	გიორგი გაჩეჩილაძე (Sch #31)	+1 (00:25:01)	-1				1	00:45:01
17	ლუკა ჭუმბურიძე (Sch Kutaisi #41)	+ (00:21:35)	-2				1	00:21:35
18	გიორგი ნუცუბიძე (ATSU)	+1 (00:31:01)	-2				1	00:51:01
19	ლუკა ლომთაძე (Sch Kutaisi #41)	+2 (00:34:11)					1	01:14:11
20	ნიკა შალიკიანი (Sch Kutaisi #41)	+5 (01:00:10)	-2				1	02:40:10

2013 წლის 1 ივნისს 14:00 საათზე დაიწყება ჯეოლიმპის 2013 წლის სერიის მეოთხე ეპიზოდი. შეჯიბრის ხანგრძლივობა 2 საათია. შესაძლებელია Pascal, C/C++, C#, Java, PHP, Python და Perl პროგრამირების ენების გამოყენება. შეგახსენებთ, რომ კონტესტში მონაწილეობისთვის საჭიროა კონტესტზე რეგისტრაცია.

ინტერნეტ რაუნდის პარალელურად ჩატარდება დასწრებული ტური ქუთაისის აკაკი წერეთლის სახელობის სახელმწიფო უნივერსიტეტში, სადაც მონაწილეობისთვის ვიწვევთ ქუთაისის ყველა სასწავლო დაწესებულების მოსწავლე-სტუდენტებს. დასწრებულ ტურში მონაწილეობის მსურველები წინასწარ უნდა დაუკავშირდნენ ბატონ მალხაზ ჯინჯიხაძეს შემდეგი ელ. ფოსტით: mjinji@yahoo.com და შეჯიბრის დღეს უნივერსიტეტში უნდა გამოცხადდნენ 13:30 საათზე. ადგილები შეზღუდულია, ამიტომ მონაწილეებს გთხოვთ დროულად აცნობოთ ბატონ მალხაზს დასწრებულ ტურში მონაწილეობის სურვილის შესახებ.

გელით :)

მოგესალმებით,

ჯეოლიმპის მესამე ტური იგეგმება დაახლოებით 11 მაისს. თუ ხართ სასწავლო დაწესებულების წარმომადგენელი და გსურთ, რომ მისი პარალელური დასწრებული რაუნდი ჩავატაროთ თქვენს სასწავლებელში, 25 აპრილამდე შეგვეხმიანეთ ელ. ფოსტაზე info@geolymp.org

დასწრებული რაუნდისთვის აუცილებელია რომ ადგილზე იმყოფებოდეს მინიმუმ 15 მონაწილე. საჭიროა მოწყობილი კომპიუტერული ოთახი ინტერნეტ კავშირით.

ბოლო დროს ჩატარებული დასწრებული ღონისძიებების გალერეის ნახვა შესაძლებელია ამ ბმულებზე:

2013 წლის მეორე ეპიზოდი თავისუფალ უნივერსიტეტში
2012 წლის ფინალი კავკასიის უნივერსიტეტში
2012 წლის IV ეპიზოდი ქუთაისში - აკაკი წერეთლის სახელობის სახელმწიფო უნივერსიტეტში
2012 წლის II ეპიზოდი საინფორმაციო ტექნოლოგიების ცენტრ "მზიურში"
მესამე ბონუს რაუნდი ვეკუას სახელობის 42-ე სკოლაში

ჯეოლიმპის 2013 წლის სერიის მეორე ინტერნეტ-რაუნდის პარალელურად ჩატარდა დასწრებული ტური თავისუფალ უნივერსიტეტში, რომელსაც ამ სასწავლებლის 15 სტუდენტი დაესწრო.
გვსურს ასეთი თანამშრომლობისთვის მადლობა გადავუხადოთ თავისუფალ უნივერსიტეტს, განსაკუთრებით კი ბატონ გიორგი ბოჭორიშვილს.

თავისუფალი უნივერსიტეტის სტუდენტებს შორის პირველი ადგილი სამი ამოცანით დაიკავა გიორგი გიგლემიანმა

ასევე სამი ამოცანით, მეორე ადგილზე გავიდა ლაშა ლაკირბაია


ხოლო მესამე ადგილი დაიკავა დათა ლაპიაშვილმა


სრული ფოტო გალერეის ნახვა შესაძლებელია ჩვენს facebook გვერდზე :)

დასწრებულ ტურში მონაწილეების სრული შედეგები ასე გამოიყურება:

ადგილი	მონაწილე	A	B	C	D	E	სრული	საჯარიმო დრო
1	გიორგი გიგლემიანი (FreeUni)	+1 (00:26:36)	+ (00:57:10)	+ (01:10:24)			3	02:54:10
2	ლაშა ლაკირბაია (FreeUni)	+2 (00:27:03)	+1 (01:38:00)	+1 (01:15:09)			3	04:40:12
3	დათა ლაპიაშვილი (FreeUni)	+ (00:06:25)	+ (00:25:25)	-4			2	00:31:50
4	ნიკოლოზ ბარბაქაძე (FreeUni)	+ (00:06:18)	+1 (00:37:50)				2	01:04:08
5	გიორგი კიკოლაშვილი (FreeUni)	+1 (00:14:16)	+ (01:02:08)				2	01:36:24
6	ბექა ლომიტაშვილი (FreeUni)	+ (00:18:35)	+1 (01:02:15)				2	01:40:50
7	გიორგი მათიაშვილი (FreeUni)	+1 (00:09:39)	+ (01:11:38)				2	01:41:17
8	ნოდარ ძამუკაშვილი (FreeUni)	+ (00:14:11)	+1 (01:07:42)	-2			2	01:41:53
9	საბა გოგოლიძე (FreeUni)	+1 (00:17:13)	+ (01:08:02)	-5			2	01:45:15
10	გიორგი ვახტანგიშვილი (FreeUni)	+1 (00:12:41)	+2 (01:12:44)				2	02:25:25
11	კოტე უჯმაჯურიძე (FreeUni)	+ (00:10:58)	+3 (01:56:00)				2	03:06:58
12	შოთა ბიჭოშვილი (FreeUni)	+ (01:38:27)	+ (01:40:36)				2	03:19:03
13	გიგი პატარაია (FreeUni)	+ (00:13:40)		-3			1	00:13:40
14	ქეთი ურიდია (FreeUni)	+ (00:28:31)	-1	-3			1	00:28:31
15	ედუარდ კაკაურიძე (FreeUni)	+2 (00:44:55)		-1			1	01:24:55